Dinahosting

No día de onte recibimos na Casa Dinahosting unha visita moi especial: un grupo de alunos e alunas do Instituto IES Xulián Magariños, de Negreira. Os futuros Administradores de Sistemas poideron coñecer de perto como é a dinahosting por dentro.

Para alén de visitar as nosas instalacións e poder comprobar como traballamos e que solucións damos aos nosos usuarios, ofrecémoslles unha panorámica de como está deseñada a nosa infraestrutura tecnolóxica tanto a nivel de Rede como de Data Center.

Poidemos constatar que a grande preocupación que traían consigo era o acceso a un posto de traballo, e formuláronnos perguntas darredor do noso convenio - que se pode descargar na nosa páxina -. Esperamos ben que algúns deles escollan facer as súas prácticas connosco!

Ficamos moi felices porque porque finalmente poidemos cumprir unha idea que nos rondaba na cabeza: ter unha maior proximidade dos rapaces e raparigas que se están a formar na nosa área. Gostaríamos moito, na medida do posíbel, de ofrecerlles unha aproximación útil da realidade do sector e contribuir a que a súa formación sexa un bocadiño máis completa.